ચાલો આનંદમેળો માણીએ

આનંદ કરવો, વ્યવહારુ જ્ઞાન મેળવવું, નફા અને ખોટ અંગે જાણકારી, પ્રામાણિકતા કેળવણી, આદર્શ વ્યવહાર, વસ્તુની ગુણવત્તા જાળવવી, ભાવ-તાલ નો ખ્યાલ તથા અભિવ્યક્તિ ની કેળવણી એટલે આનંદમેળો

પ્રથમવાર શાળા માં આનંદમેળા નું આયોજન .
સૌ પ્રથમ અગાઉ ના દિવસે ૫ સ્ટોલ અને ૫ સ્ટોલ માટે બાળકોના પાંચ જૂથ બનાવવામાં આવ્યા ત્યારબાદ જરૂરી સામગ્રી ખરીદી નું આયોજન કરવામાં આવ્યું.
ખરીદી મુજબ ભાવ બાબતે દરેક જૂથને માહિતગાર કરવામાં આવ્યા.
ઉચ્ચ ગુણવત્તા વાળી વસ્તુ બાબતે જાણકારી આપવામાં આવી, દા. ત. શાકભાજી ના સ્ટોલ પર બટાકા વેચાણ દરમિયાન જો કોઈ ખરાબ કે કોહવાઈ ગયેલો બટાકો મળી આવે તો તેને તરત જ કચરાપેટીમાં મુકી દેવો, તેનો ઉપયોગ કરવો નહીં.
ગ્રાહકો સાથે આદર્શ વ્યવહાર કરવો.
ગ્રાહક ને છેતરવા નહીં.
ગ્રાહક પાસે થી સાચો ભાવ જ લેવો, લોભ કરવો નહીં.
સ્ટોલમાં વસ્તુ ખુટી જાય એવું લાગે તો તાત્કાલિક શાળાના મંત્રીને જાણ કરી બીજી મંગાવી લેવી.
નાસ્તા ના સ્ટોલ પર હંમેશા ગરમ નાસ્તો જ મળતો રહે તે જોવું , ઠંડો નાસ્તો આપવો નહીં.
હાથ ચોખ્ખા કરીને જ નાસ્તો વેચવો.
ફળો ના સ્ટોલ માં પણ જો કોઈ ખરાબ ફળ મળી આવે તો તેનો ઉપયોગ કરવો નહીં , તેને કચરાપેટી માં નાખી દેવું.
સ્ટેશનરી ના સ્ટોલ માં પણ જો કોઈ સામગ્રી ખુટી જાય તો તાત્કાલિક વ્યવસ્થાપન સમિતિ ને જાણ કરી, બીજી સ્ટેશનરી મંગાવી લેવી.
બપોર ના ૧ : ૨૦ કલાકે કાર્યક્રમ ચાલુ કરવો.
જ્યારે પણ જરૂર પડે ત્યારે શિક્ષકો ની મદદ લઇ શકો છો.
આનંદમેળા નું સંચાલન પણ તમો સૌ બાળકો એજ કરવાનુ છે.

આમ બાળકો રમત રમત માં જ વ્યવહારુ કોયડા ઉકેલતા થઇ ગયા...